weblog

Hi all,

'స్త్రీ'కి పర్యాయపదాలు; అతివ, వనిత, తరుణి, పడతి, కోమలి, ఇంకా ఎన్నో ఉన్నాయి. స్త్రీలను "కోమలి" అని అంటారు, కారణం వారు కోమలంగా/సుకుమారంగా ఉంటారని. అలాగే పువ్వులు కూడా సుకుమారమైనవి. పూలలో ఎన్నో రకాలున్నా అవన్నీ కూడా వేటికవి (వర్ణంలో, వాసనలో, వాడుకలో) వైవిధ్యాన్ని కలిగి ఉంటాయి. అలాంటి సుకుమారమైన పువ్వులను ఒక సుకుమారిని పోల్చడానికి ఉపమానాలుగా ఉపయోగిస్తే బాగుంటుందన్న ఆలోచన... ఈ కవితకు ప్రాణం మరియు ప్రేరణ. ఇందులో పది రకాల పువ్వులతో ఒక పడతి గుణాలను పోల్చి పుష్పాంజలితో అంకితం ఇచ్చాను, ఇలా....

గులాబీ ఛాయతో చెక్కిలి
మనసు మాయని సిరిమల్లి
తన నుదుటి సింధూరం
వికసించిన ఎర్ర మందారం

నాసిక సంపెంగ పువ్వంట
నయనాలు కలువ రేకుల జంట
ఇంతి వంటి నిగారింపు
బంతి, చామంతిల మేళవింపు

మొగలి సుమం తన పరిమళం
జఘన వయ్యారం నందివర్ధనం
తన తనువు నందనందనం
అణువణువు పుష్పాంగం
సుమ సుకుమారికి ఈ గీతం
సుమాంజలితో అంకితం....

All the best and take care....

With thanks, regards and best wishes,
G.Srikanth.